“Trabzonspor” autsayderə çətinliklə qalib gəlib, “Beşiktaş” heç-heçə edib

Türkiyə Super Liqasında XXXII turun oyunları keçirilir.

QELEBE.AZ xəbər verir ki, bu gün 3 matç baş tutub.

“Beşiktaş” “Göztepe” ilə qarşılaşıb. Oyunda hesab erkən açılıb. “Qara qartallar” Rafa Silvanın qolu ilə önə keçib. Lakin üstünlüyü qorumaq mümkün olmayıb. İsmail Köybaşı “Göztepe”yə 1 xal qazandıran topu vurub - 1:1.

“Trabzonspor” isə “Adana Demirspor”la üz-üzə gəlib. Görüşün taleyini bir qol həll edib. Simon Banza Qara dəniz təmsilçisinə qələbə qazandırıb - 1:0.

Türkiyə Super Liqası
XXXII tur
“Beşiktaş” - “Göztepe” 1:1
“Adana Demirspor” - “Trabzonspor” 0:1
“Kasımpaşa” - “Sivasspor” 3:1