"Şəki"nin baş məşqçisi: "İstədiyimiz müdafiəni qura bilmədik"
https://qalaba.az//uploads/photo/shekinin-bash-meshqchisi-istediyimiz-mudafieni-qura-bilmedik.webp
İstədiyimiz müdafiəni qura bilmədik.
"Report" xəbər verir ki, bunu "Şəki"nin baş məşqçisi Bedri Meriç deyib.
Mütəxəssis səfərdə "Gəncə"yə uduzduqları (71:94) Azərbaycan Basketbol Liqasının pley-off mərhələsinin ikinci oyunu ilə bağlı fikirlərini bölüşüb:
"Rəqibi qələbə münasibətilə təbrik edirəm. Evdə oynamağın üstünlüyündən yaxşı yararlandılar. Oyunçularımız yorğun idi, ehtiyat heyətimiz də kasaddır. Əsas basketbolçularımız da istədiyimiz performansı nümayiş etdirə bilmədilər. “Gəncə” 60-70 faiz 3 xallıq atışlardan istifadə etdi. Biz son vaxtlar 3 xallıq atışlarda problem yaşayırıq. Bunu son oyunda düzəltməyə çalışacağıq".
Qeyd edək ki, ilk qarşılaşmada "Şəki" qalib gəldiyi (85:84) növbəti raunda yüksələn komanda üçüncü görüşdə bəlli olacaq. Cütün qalibi yarımfinalda "Sabah" - "Sərhədçi" duelinin güclüsü ilə üz-üzə gələcək.
