"Sevilya"nın futbolçusu klubdan ayrılacaq

İspaniya təmsilçisi "Sevilya"da çıxış edən Suso cari mövsümün sonunda klubdan ayrılacaq.

"Report" xəbər verir ki, bu barədə məşhur insayder Fabritsio Romano sosial şəbəkə hesabında paylaşım edib.

31 yaşlı yarımmüdafiəçi La Liqanın XXXVII turunda "Real"a qarşı matçda sonuncu dəfə "Sevilya"nın formasını geyinəcək.

Qeyd edək ki, 2020-ci ildən bu komandanın şərəfini qoruyan Suso 171 oyunda 10 qol vurub və 19 dəfə assist edib.