“Yuventus” klubu yeni rekorda imza atıb

“Yuventus” klubu İtaliya Kubokunun 1/4 final mərhələsinə adlamaqla yeni rekorda imza atıb.

“Report” xəbər verir ki, Turin təmsilçisi 1/8 finalda “Monza” üzərində 2:1 hesablı qələbə qazanmaqla buna nail olub.

Ardıcıl 16-cı dəfə ölkə kubokunda 1/4 finala adlayan “qoca sinyora” bu baxımdan turnirin rekordçusudur. “Yuve” sonuncu dəfə 2006/2007 mövsümündə İtaliya B seriyasında çıxış edərkən ölkə kubokunda 1/8 final səddini aşa bilməyib.

“Yuventus”un 1/4 finalındakı rəqibi ardıcıl 12-ci dəfə bu mərhələdə iştirak hüququ əldə edən “Latsio” olacaq. Komandaların görüşü fevralın 1-də Romada baş tutacaq.