İngiltərə millisinin üzvü “Yunayted”də 300-ə çatdı

“Mançester Yunayted” İngiltərə Premyer Liqasının XIII turunda səfərdə “Kristal Pelas”la qarşılaşıb.

QELEBE.AZ xəbər verir ki, görüş “qırmızı şeytanlar”ın 2:1 hesablı qələbəsi ilə başa çatıb.

Komandanın müdafiəçisi Luk Şou üçün oyun əlamətdar olub.

30 yaşlı futbolçu klubun heyətində 300-cü rəsmi matçına çıxıb.

İngilis müdafiəçi “Mançester Yunayted”lə Liqa Kubokunu, FA Super Kubokunu və Avropa Liqasını qazanıb.

Qeyd edək ki, İngiltərə millisinin üzvü 2014-cü ildə “Sauthempton”dan “Mançester Yunayted”ə transfer olunub.