Azərbaycan millisi Lixtenşteyn səfərində – YENİLƏNİR

Futbol üzrə Azərbaycan milli komandası bu gün UEFA Millətlər Liqasında növbəti oyununu keçirəcək.

Apasport.az xəbər verir ki, yığmamız D Liqasının 2-ci qrupunda Lixtenşteynin qonağı olacaq.

Vaduz şəhərində yerləşən “Reynpark” stadionunda keçiriləcək qarşılaşma Bakı vaxtı ilə saat 23:45-də başlayacaq.

Görüşü Estoniyadan olan FIFA referisi Kristo Tohver idarə edəcək. Ona həmyerliləri Silver Koiv və Sander Saqa kömək göstərəcəklər.

Ayxan Abbasovun yetirmələri hazırda 5 xalla qrupun lideridir. Üç oyun keçirən komandamız bir qələbə qazanıb, iki dəfə heç-heçə edib. Lixtenşteyn isə 1 xalla sonuncu – üçüncü pillədə qərarlaşıb.

Qeyd edək ki, komandalar arasında Bakıda keçirilən ilk qarşılaşma qolsuz heç-heçə ilə başa çatıb.

UEFA Millətlər Liqası,

D Liqası, 2-ci qrup

13 noyabr

23:45. Lixtenşteyn – Azərbaycan

Baş hakim: Kristo Tohver (Estoniya)

Stadion: “Reynpark” (Vaduz)