İspaniyalı futbolçu: "Qarabağ" favoritdir, amma onları təəccübləndirməyə çalışacağıq"

"Bizi kifayət qədər çətin oyun gözləyir. Rəqib açıq-aşkar favoritdir".

"Report"un məlumatına görə, bunu Cəbəllütariq "Linkoln"unun futbolçusu Marko Rosa UEFA Çempionlar Liqasının I təsnifat mərhələsində "Qarabağ"a qarşı keçirəcəkləri oyunlar barədə klubun rəsmi saytına açıqlamasında deyib.

İspaniyalı yarımmüdafiəçi Ağdam klubundan çəkindiklərini etiraf etsə də, futbolda hər şeyin mümkün olduğunu bildirib: "Oyunun gözəlliyi də bundadır. Uduzmamağa və onları təəccübləndirməyə çalışacağıq. Hər zaman öz şanslarımıza inanırıq".

Qeyd edək ki, "Qarabağ" "Linkoln"a qarşı ilk matçını iyulun 11-də səfərdə, cavab görüşünü isə iyulun 19-da evdə keçirəcək.