Azərbaycanın basketbol millisi Avropa çempionatının finalına yüksəlib
https://qalaba.az//uploads/photo/azerbaycanin-basketbol-millisi-avropa-chempionatinin-finalina-yukselib.webp
Andorrada 16 yaşlı qızlar arasında keçirilən basketbol üzrə Avropa çempionatı “C” divizionunda Azərbaycan millisi Gürcüstan yığmasına qarşı yarımfinal oyununa çıxıb.
“QELEBE.AZ”un məlumatına görə, Azərbaycanın U-16 qız yığması yarımfinal oyununda hesabda geri düşməsinə baxmayaraq, sonuncu dövrədə geri dönüş edərək yekunda Gürcüstan millisinə 74-72 hesabı ilə qalib gəlib.
Bununla da bütün oyunları qalib tamamlayan U-16 qız millisi, Avropa çempionatının finalına vəsiqə qazanıb. Finalda millinin rəqibi Andorra seçməsi olacaq.
Oyun bu gün Bakı vaxtı ilə saat 21:30 -da baş tutacaq və FIBA -nın rəsmi yutub hesabından canlı yayımlanacaq.
