Azərbaycan Kubokunun finalından əvvəl Aygün Kazımova oxuyacaq

Azərbaycan Kubokunun finalından əvvəl Aygün Kazımovanın iştirakı ilə konsert proqramı baş tutacaq.

Peşəkar Futbol Liqasından “Report”a verilən məlumata görə, Xalq artisti iyunun 2-də baş tutacaq mövsümün son matçından əvvəl təşkil olunacaq konsert proqramına dəvət alıb.

Tədbir saat 19:00-da başlayacaq.

Qeyd edək ki, Azərbaycan Kubokunun finalında “Qarabağ” və “Zirə” klubları üz-üzə gələcəklər. Oyuna biletlərin qiyməti yerlərdən asılı olaraq 5, 10, 15 və 50 manatdır.