"Mançester Yunayted" "Old Trafford"un yerində yeni stadionun tikintisinə başlamağı planlaşdırır

İngiltərənin "Mançester Yunayted" klubu ev oyunlarını keçirdiyi "Old Trafford"un yerində yeni stadionun tikintisinə başlamağı planlaşdırır.

"QELEBE.AZ"un "The Athletic"ə istinadən məlumatına görə, Mançester klubunun rəhbərliyi yaxın vaxtlarda bununla bağlı açıqlama verəcək.

Yeni arenanın 100 min tamaşaçı tutumuna malik olacağı bildirilib.

Qeyd edək ki, "Mançester Yunayted" hazırda Premyer Liqanın turnir cədvəlində 28 turdan sonra 34 xalla 14-cü pillədə qərarlaşıb.