"Qarabağ"ın ev oyunlarını keçirdiyi stadionda görülən işlər açıqlanıb

"Qarabağ"ın ev oyunlarını keçirdiyi "Azərsun Arena"da görülən işlər açıqlanıb.

Bu barədə "QELEBE.AZ"a Ağdam təmsilçisinin mətbuat xidmətinin rəhbəri Anar Hacıyev məlumat verib.

O, stadionda ot örtüyü ilə bağlı innovativ işlər görüldüyünü söyləyib:

"Burada ot örtüyü yaxşı vəziyyətdə deyildi. Hazırda proses tamamlanma mərhələsindədir. Örtük "Sumqayıt"la ev görüşünə qədər əla vəziyyətə gətiriləcək. Bundan sonra Tofiq Bəhramov adına Respublika stadionunda oyun keçirməyəcəyik, orada da müəyyən işlər görüləcək. Avrokuboka qədər həmin arena da ideal vəziyyətə gələcək".

Qeyd edək ki, "Qarabağ" mayın 4-dən etibarən ev oyunlarının "Azərsun Arena"da təşkili üçün Peşəkar Futbol Liqasına (PFL) müraciət edib. PFL əsasnamə tələblərinin qorunmasını nəzərə alaraq müraciəti müsbət qarşılayıb.