Ronaldu növbəti dünya çempionatında oynaya bilər

Portuqaliya millisinin ulduz futbolçusu Kriştiano Ronaldu növbəti dünya çempionatında oynaya bilər.

APA “Marca”ya istinadən xəbər verir ki, 37 yaşlı hücumçu 2026-cı ildə ABŞ, Kanada və Meksikada keçiriləcək dünya çempionatında iştirak etmək istəyir.

Bildirilib ki, Ronaldu komandasının Qətərdəki uğursuz çıxışı ilə barışmaq istəmir.

Argentinanın qələbəsi portuqallar üçün xüsusilə çətin olub.

İndi Kriştianonun məqsədi növbəti dünya futbol çempionatında oynamaqdır.

Qeyd edək ki, 2026-cı ildə Kriştiano Ronaldunun 41 yaşı tamam olacaq.