"Mingəçevir" klubunun sabiq futbolçusunun şikayəti təmin edilməyib

Azərbaycan I Liqasında çıxış edən “Mingəçevir” klubunun sabiq futbolçusu Muxtar Nəzərlinin danışılmış oyunlarda iştiraka görə futboldan ömürlük uzaqlaşdırılması ilə bağlı qərardan şikayəti təmin edilməyib.

"Report" xəbər verir ki, bu barədə Apellyasiya Arbitraj Tribunalının iclasında qərar qəbul olunub.

Futbolçunun danışılmış oyunlarda iştiraka görə ömürlük müddətdə futbola aid hər hansı bir məşğuliyyəti qadağan etmə cəzasının verilməsi barədə AFFA İntizam Komitəsinin 30 yanvar 2025-ci il tarixli qərarı qüvvədə saxlanılıb.