Azərbaycan Voleybol Federasiyasının rəsmisi Gümüş Avropa Liqasının oyunlarına təyinat alıb

Azərbaycan Voleybol Federasiyasının Kommunikasiya şöbəsinin Beynəlxalq əlaqələr üzrə mütəxəssisi Mixail Frişman Avropa Voleybol Konfederasiyası tərəfindən (CEV) təyinat alıb.

Bu barədə "Report"a Voleybol Federasiyasının mətbuat xidmətindən məlumat verilib.

M.Frişman qadın voleybolçular arasında Avropa Gümüş Liqasının ikinci turunda iştirak edəcək. O, 6-8 iyun tarixlərində Gürcüstanda baş tutacaq turun oyunlarında supervayzer kimi hakimlərin işinə qiymət verəcək.

Qeyd edək ki, burada ev sahibi ilə yanaşı, Lüksemburq və Latviya komandaları mübarizə aparacaqlar.