Laurentsiu Regekampf: “Oyunda ən neqativ hal hakimlik idi”

Laurentsiu Regekampf: “Oyunda ən neqativ hal hakimlik idi”

“Oyunda ən neqativ hal hakimlik idi”.

“Report”un məlumatına görə, bunu “Neftçi”nin baş məşqçisi Laurentsiu Regekampf “Qəbələ ilə qolsuz bərabərə qaldıqları Azərbaycan Premyer Liqasının XXII tur oyunundan sonra mətbuat konfransında deyib.

Rumıniyalı mütəxəssis qarşılaşmanın ardından baş hakim Fərid Hacıyevin idarəçiliyindən narazılığını bildirib: “Hakimlik haqda heç vaxt danışmıram. Oyundan sonra onunla aramızda dialoq olmasına çalışdım. Bəlkə də onunla danışacaq səviyyədə deyiləm. Mənimlə dialoqa girmək istəmədi. İrad bildirdi ki, futbol oynamaq lazımdır. Cavabımda da dedim ki, futbol oynamağımız üçün imkan verməlisən. Hər dəqiqə matçı saxlayırdı, çoxlu səhvlər edirdi. Penalti qərarını verəndə heç epizodu görməmişdi. Hakim penaltini göstərdikdə ən azı 50 faiz qərarına əmin olmalıdır. Həmin epizoda görə bizi 4-5 dəqiqə saxladılar. Görüşün əsas vaxtına da cəmi 4 dəqiqə artırıldı. Həmin vaxtın da dəqiqə yarımında “Qəbələ”nin qapıçısı öz komanda yoldaşını vurdu, o da yerdə qaldı”.

48 yaşlı baş məşqçi qol imkanlarını dəyərləndirə bilmədiklərini söyləyib: “Yaratdığımız şanslara daha ciddi yanaşmalı və sadə oynamalıyıq. Belədə bizə daha yaxşı ola bilər. Hava şəraitinə görə meydança yaxşı vəziyyətdə idi. Ot bir az hündür idi, amma bunu normal hesab edirəm. Komandam futbol oynamağı xoşlayır. Futbolçular tez oynamaq istəyirlər. Bu cür şəriatdə belə hakimliklə oynamaq asan deyil. Hər iki komanda futbol göstərməyə çalışdı. Referinin epizodlarda lazımı yerdə olmadığını düşünürəm”.

Regekampf hücumda daha keyfiyyətli oynamağın vacibliyini vurğulayıb: “Daha çox qol vurmalıyıq. Kifayət qədər də şanslarımız olur. Oyunçuların bacarığından söhbət getmir. Hər yaratdığımız şansı yüz faizli qol kimi yanaşmırıq. Topa sahib olma bizdə olur, matça nəzarət edirik. Ancaq sonda qol vurmalıyıq. Bu gün də ikinci hissədə 3-4 epizodda daha sadə və tez oynasaydıq, asanlıqla qola yaxınlaşardıq”.

Təcrübəli mütəxəssis əlavə edib ki, qarşılaşmaya hazırlıqlarının əsas taktikası rəqibi irəlidə sıxmaq idi: “İlk hissədə bunu bacardıq. Rəqib müdafiədən uzun ötürmə ilə çıxırdılar. Ancaq “Qəbələ”yə topu verdikdə təhlükəli olurdular. Bu gün bizim günümüz deyildi. Əminəm ki, bir qol vursaydıq, rəqib açıq oyuna keçəcəkdi və bizim üçün daha asan olacaqdı”.

O, transfer çalışmaları barədə də məlumat verib: “Mən oyunçu gətirən şəxs deyiləm. Komandanı məşq etdirmək üçün buradayam. Komandamızın skautları var, onlar bu yöndə çalışırlar. Onlar mənə hansısa yaxşı rumıniyalı futbolçu təklif eləsələr, niyə qəbul etməyim? Skautlarla bərabər oyunçunu mən seçirəm”.

Futbol
“Sumqayıt”ın yoxlama görüşündəki rəqibi dəyişib

“Sumqayıt”ın yoxlama görüşündəki rəqibi dəyişib

Futbol
"Qarabağ" - "Olimpiakos" oyununa cəmi 2 min bilet qalıb

"Qarabağ" - "Olimpiakos" oyununa cəmi 2 min bilet qalıb

Futbol
Qara Qarayevin durumuna aydınlıq gəlib

Qara Qarayevin durumuna aydınlıq gəlib

Futbol
"Qarabağ"ın sabiq qapıçısı: "Şahruddinin situativ qərar verməklə bağlı sıxıntısı var"

"Qarabağ"ın sabiq qapıçısı: "Şahruddinin situativ qərar verməklə bağlı sıxıntısı var"

Futbol
Jerar Pike təşkilatçısı olduğu turnirdə oynaya bilər

Jerar Pike təşkilatçısı olduğu turnirdə oynaya bilər

Futbol
2022-ci ilin simvolik komandası açıqlanıb

2022-ci ilin simvolik komandası açıqlanıb

Futbol
Konfrans Liqası: "Başakşehir" 1/8 finala, "Fiorentina" pley-offa yüksəlib

Konfrans Liqası: "Başakşehir" 1/8 finala, "Fiorentina" pley-offa yüksəlib

Futbol
FIFA prezidenti transfer bazarında dəyişikliklər olacağını açıqlayıb

FIFA prezidenti transfer bazarında dəyişikliklər olacağını açıqlayıb

Futbol
"Barselona" prezidentinin oğlu Madriddə saxlanılıb

"Barselona" prezidentinin oğlu Madriddə saxlanılıb

Futbol
"Çelsi" Avstriya klubunun 40 oyunluq məğlubiyyətsizlik seriyasına son qoyub

"Çelsi" Avstriya klubunun 40 oyunluq məğlubiyyətsizlik seriyasına son qoyub

Futbol
Portuqaliyalı futbolçu mundiallar tarixinin ən yaşlı oyunçularından biri olub

Portuqaliyalı futbolçu mundiallar tarixinin ən yaşlı oyunçularından biri olub

Futbol
Çempionlar Liqası: Həftənin futbolçusu adına namizədlər bəlli olub

Çempionlar Liqası: Həftənin futbolçusu adına namizədlər bəlli olub