“Şamaxı” Azərbaycan Premyer Liqasını tərk edib - YENİLƏNİB
https://qalaba.az//uploads/photo/shamaxi-azerbaycan-premyer-liqasini-terk-edib-yenilenib.webp
Azərbaycan Premyer Liqasında XXXVI – sonuncu turun daha bir oyunu keçirilib.
“QELEBE.AZ”un məlumatına görə, ən diqqətçəkən görüş “ASCO Arena”da baş tutub.
Elitada qalmaq uğrunda mübarizə aparan autsayderlər “Səbail”lə “Şamaxı” komandaları birincilərin meydanında üz-üzə gəliblər.
Matçın 45+1-ci dəqiqəsində rəqib müdafiəçinin səhvini bağışlamayan “Səbail”in argentinalı yarımmüdafiəçisi Franko Mazurek hesabı açıb. Bu, həm də oyunda vurulan yeganə qol olub. 90+2-ci dəqiqədə rəqibi başla vuran bakılıların oyunçusu Elmir Tağıyev meydandan qovulub.
“Səbail” son dəqiqələri azlıqda keçirməsinə baxmayaraq, 1:0 hesablı qələbə qazanaraq, mövsümü 29 xalla doqquzuncu pillədə başa vurub.
25 xalla axırıncı – 10-cu yeri tutan “Şamaxı” isə Premyer Liqanı tərk edib. AFFA idman prinsiplərini əsas götürsə, “Şamaxı” 2023/2024 mövsümünü I Divizionda, “Araz-Naxçıvan” isə elitada keçirəcək. Yalnız yüksək liqada komanda sayının 12-yə yüksəldilməsi qərarı veriləcəyi təqdirdə, “Şamaxı” çempionatdakı çıxışını davam etdirəcək.
Günün digər oyunlarında “Qəbələ” “Kəpəz”lə heç-heçə (1:1) edib, “Zirə” “Sumqayıt”a səfərdə 3:0 hesabı ilə qalib gəlib. Mövsümə mayın 28-də keçiriləcək “Neftçi” – “Sabah” və “Qarabağ” – “Turan Tovuz” görüşləri ilə yekun vurulacaq.
| N | Komanda | O | Q | H | M | T-F | X |
| 1 | Qarabağ | 35 | 27 | 6 | 2 | 88-24 | 87 |
| 2 | Sabah | 35 | 25 | 6 | 4 | 75-23 | 81 |
| 3 | Neftçi | 35 | 19 | 8 | 8 | 62-38 | 65 |
| 4 | Qəbələ | 36 | 13 | 11 | 12 | 47-47 | 50 |
| 5 | Zirə | 36 | 13 | 11 | 12 | 45-46 | 50 |
| 6 | Turan Tovuz | 35 | 10 | 9 | 16 | 35-46 | 39 |
| 7 | Sumqayıt | 36 | 8 | 7 | 21 | 26-70 | 31 |
| 8 | Kəpəz | 36 | 6 | 13 | 17 | 34-62 | 31 |
| 9 | Səbail | 36 | 7 | 8 | 21 | 32-62 | 29 |
| 10 | Şamaxı | 36 | 4 | 13 | 19 | 26-52 | 25 |
Azərbaycan Premyer Liqasının XXXVI turunda keçiriləcək “Səbail” – “Şamaxı” oyununun heyətləri müəyyənləşib.
“QELEBE.AZ” xəbər verir ki, elitada qalmaq uğrunda matçda üz-üzə gələcək komanalar start “11-lik”lərini açıqlayıblar.
“Səbail”: 1. Emil Balayev, 10. Ağabala Ramazanov (k), 2. Adil Nağıyev, 96. İlkin Muradov, 6. Cabir Əmirli, 3. Turan Manafov, 27. Emil Martinov, 99. David Qomis, 30. Franko Mazurek, 88. Matiya Lyuyiç, 23. Qustavo de Fransa
Ehtiyat oyunçular: 12. Hüseynəli Quliyev, 14. Rahid Əmirquliyev, 9. Mirabdulla Abbasov, 7. Ruslan Hacıyev, 17. Rafael Məhərrəmli, 8. Elmir Tağıyev, 55. Nihad Qurbanlı, 77. Ədilxan Qarəhmədov, 22. Samir Abdullayev, 20. Mirəli Əhmədov, 21. Kizito Luvaqa, 5. Petro Stasyuk
Baş məşqçi: Şahin Diniyev
“Şamaxı”: 1. Rəşad Əzizli (k), 9. Amil Yunanov, 15. Emin Zamanov, 16. Fuad Bayramov, 70. Bahadur Həziyev, 5. Rəhman Daşdəmirov, 11. Kamran Quliyev, 22. Elçin Mustafayev, 4. Arsen Ağcabəyov, 18. Cəlal Hüseynov, 29. Ramin Əhmədov
Ehtiyat oyunçular: 62. Abdulla Seydəhmədov, 12. Əkpər Vəliyev, 10. Elvin Məmmədov, 8. Kamal Mirzəyev, 17. Elçin Rəhimli, 27. İbrahim Aslanlı, 90. Əli Səmədov, 2. Rauf Hüseynli, 97. Tapdıq Əhmədov, 23. Rövşən Şahmuradov, 79. Emil Qasımov, 80. Zahid Mərdanov
Baş məşqçi: Vüqar Əsgərli
Qeyd edək ki, saat 20:00-da başlayacaq qarşılaşma “ASCO Arena”da keçiriləcək.
