KİV: Braziliya yığmasının yeni baş məşqçisi Karlo Ançelotti olacaq

Karlo Ançelotti Braziliya yığmasının baş məşqçisi olacaq.

“Report” “Globoesporte”yə istinadən xəbər verir ki, hazırda İspaniyanın “Real Madrid” klubuna rəhbərlik edən italiyalı mütəxəssis Braziliya Futbol Konfederasiyası (CBF) ilə müqavilənin şərtlərini razılaşdırıb.

İddiaya görə, Ançelotti ilə CBF prezidenti Ednaldo Rodriges arasında baş tutan görüş müsbət yekunlaşıb. Anlaşmaya əsasən, 64 yaşlı məşqçi “Real Madrid”lə müqavilə müddəti başa çatdıqdan sonra, yəni 2024-cü ilin iyulunda Braziliya yığmasının sükanı arxasına keçəcək.

Qeyd edək ki, Braziliya millisinin sabiq baş məşqçisi Tite 2022-ci ilin dekabrında istefa verib. Hazırda Ramon Menezes müvəqqəti bu vəzifəni icra edir.