"Qarabağ" Avstriya toplanışını qələbə ilə başa vurub
https://qalaba.az//uploads/photo/qarabag-avstriya-toplanishini-qelebe-ile-basha-vurub.webp
Avstriyada təlim-məşq toplanışını başa vuran "Qarabağ" sonuncu yoxlama oyununu keçirib.
"Report"un məlumatına görə, "köhlən atlar" Bolqarıstan təmsilçisi MOİK-lə üz-üzə gəlib.
"Vörgl" stadionunda oynanılan qarşılaşma Ağdam klubunun minimal hesablı qələbəsi ilə başa çatıb. Yeganə qolu 42-ci dəqiqədə Redon Cica vurub.
Qeyd edək ki, "Qarabağ" Avstriyadakı ilk görüşündə Macarıstan "Ferentsvaroş"u ilə heç-heçə edib - 3:3. Son ölkə çempionu ikinci matçında isə Polşa "Legiya"sına uduzub - 0:2.
