İngiltərə klubları bir il ərzində agentlərə 409 milyon funt-sterlinqdən çox pul ödəyiblər

İngiltərə klubları bir il ərzində futbol agentlərinə ümumilikdə 409 milyon funt-sterlinqdən çox pul ödəyiblər.

"Report" xəbər verir ki, bu barədə İngiltərə Futbol Assosiasiyası məlumat yayıb.

2024-cü il fevralın 2-dən 2025-ci il fevralın 3-nə qədər olan müddətdə agent qonorarlarına ən çox pul xərcləyən klub “Çelsi” (60,38 milyon) olub. Ən az ödəniş edən klub isə "İpsviç"dir (6,26 milyon).

Açıqlamada İngiltərənin digər klublarından "Mançester Siti"nin 52,1 milyon, "Mançester Yunayted"in 33,02 milyon, "Arsenal"ın 22,79 milyon, "Liverpul"un 20,83 milyon, "Tottenhem"in isə 18,4 milyon funt-sterlinq qonorar ödədiyi bildirilib.