"Mançester Yunayted" sloveniyalı futbolçunu transfer etməyə yaxındır
https://qalaba.az//uploads/photo/manchester-yunayted-sloveniyali-futbolchunu-transfer-etmeye-yaxindir.webp
İngiltərə təmsilçisi "Mançester Yunayted" Almaniyanın "Leyptsiq" klubunun futbolçusu Benyamin Şeşkonu heyətinə qatmağa yaxındır.
"Report" "ESPN"ə istinadən xəbər verir ki, bu transfer "qırmızı şeytanlar"a bonuslar da daxil olmaqla 85 milyon avro qarşılığında başa gələcək.
22 yaşlı sloveniyalı hücumçunun Bundesliqa təmsilçisi ilə müqaviləsinin müddəti 2030-cu ildə başa çatacaq.
Qeyd edək ki, Şeşko ötən mövsüm "Leyptsiq"in heyətində 45 oyuna 21 qol vurub.
