Super Liqa: II turun oyunlarının vaxtı açıqlanıb

Kişi voleybolçuların Super Liqasında II turun oyunları oktyabrın 28 və 30-da keçiriləcək.

QELEBE.AZ xəbər verir ki, turun ilk iki qarşılaşması oktyabrın 28-də baş tutacaq.

Saat 16:00-da GİN-in Voleybol Mərkəzində “ORDU” və “Neftçi” komandaları üz-üzə gələcəklər. Saat 17:00-da isə FHN-in idman zalında “Xilasedici” ilə “AZERRAIL” qarşılaşacaq.

Turun son oyunu oktyabrın 30-da keçiriləcək. Saat 17:00-da GİN-in Voleybol Mərkəzində “Murov Az Terminal” və “Gənclər” komandaları münasibətlərə aydınlıq gətirəcəklər.